Tootne ka ek abhinav artha hota hai
Tootna hi nav srijan ka marma hota hai…
Sheet odhi daaliyose jhar rahe patte
Tootte girte
Bahut kuch keh rahe patte…
Tootne par hi humaare
Nayi ritu ke
Aagman ka parva hota hai….
Chilchillati dhoop me
Tapta hua sooraj shaam ko
kehta yahi
Dhalta hua sooraj
Doobne ke baad mere
Snigdha-sheetal
Chandni ka janma hota hai……….
Tootna hi nav srijan ka
Marma hota hai……..
No comments:
Post a Comment